Full Lyrics
Coemt doch met my,
en laet ons singen bly,
onsen Heer die ons maect vry,
laet ons zijn aensicht ghenaken,
ons trooster dat is hy,
daer om so willen wij ons
liedekens bringen by,
ons met zijn lof vermaken.
Want God die Heer
groot is met allen seer,
een Coninck met grooter eer,
groot boven alle Goden,
hy'en sal oock nemmermeer,
den sinen verlaten weer
die hier met haer begheer,
bewaren zijn gheboden.
Want in zijn hant
dat aertrijck is gheplant,
die berghen seer playsant
sijn hem: wilt dit versinnen,
die zee, met zijn verstant,
hy maect: (dit is bekant),
seer drooch dat aertseche lant
van buyten en van binnen.
