Full Lyrics
1. Als sy zijn ghetoghen
al uut Egypten lant,
al van die vreemde nacy,
dat volc van Israhel,
heylichheyt ghecomen,
Gods macht is daer gheplant,
int Ioetsche lant,
en Israhel, verstaet dees woorden wel.
Als dit de zee sach aen
haestlick heeft sie ghegaen
al metter spoet,
terug ghinc die Iordaen,
die berghen vruecht ontfaen,
recht als die scaepkens soet.
2. Willet doch verclaren,
en mi vertellen ghy
o zee, en ghi Iordane,
waer om neemt ghi die vlucht?
En ghi hoghe berghen,
waer om waert ghi so bly?
en sprongt als ionge lammeren,
en maecten groot gherucht.
Van des Heer'n aenghesicht
was daertrijck so ghesticht:
met vrees ghemeyn,
God uut den steen seer dicht,
heeft water voert ghericht,
dat liep als een fonteyn.
