Full Lyrics
Jesus Christus, nostra salus,
quod reclamat omnis malus,
nobis in sui memoriam
dedit in panis hostiam.
O quam sanctus panis iste,
tu solus es, Jesu Christe,
panis cibus sacramentum,
quo nunquam majus inventum.
Hoc donum suavitatis
caritasque deitatis,
virtus et eukaristia,
communionis gracia.
Ave deitatis forma,
Dei unitas norma,
in te quisque delectatur,
qui te fide speculatur.
Non est panis, sed es Deus
homo liberator reus,
qui in cruce pependisti
et in carne deficisti.
Non augetur consecratus,
nec consumptus fit mutatus,
nec divisus in fractura,
plenus Deus in statura.
Esca digna angelorum,
pietatis lux sanctorum,
lex moderna comprobavit,
quod antiqua figuravit.
Salutare medicamen,
peccatorum relevamen,
pasce nos, a malis leva,
duc post ubi est lux ewa.
Ath quam magna tu fecisti,
dum te Christe impensisti,
panis et vini specie
apparentum in facie.
Caro cibus, sanguis vinum,
est mysterium divinum.
Huic sit laus et gloria
in saeculorum saecula.
attr. Jan Hus
