Full Lyrics
Gens Sárda, plaúsus éxprime:
Frágmen Corónæ Spíneæ,
Iésu cáput quæ lǽserat,
Dígnis honóra cánticis.
Ut Passiónis ínclýtæ
Númquam manéres ímmemor,
Hanc pléni amóris tésseram
Dédit tibi dóno Déus.
Ruúnt in Úrbem mílites,
Ut res sacrátas áuferant:
Nostro sed ǽstus ǽquoris
Coétum nefándum térritat.
Calaritána Cívitas,
signo stupéscens hórrido,
Spínæ Sácræ thus ófferens,
Hanc flexo adóras póp̣lite.
Si tánta Sánctus pértulit
Iésus, Redémptor ómnium,
O Cívitas, recogita
Pati libénter áspera.
Crux est salútis téssera,
Iésu rubéscens Sánguine;
Spina est triúmphis áptior,
Pérpes coróna glóriæ.
Te, Chríste, víctor dǽmonis,
Téllus et astra cóncinant,
Cum Pátre et Almo Spíritu
In sempitérna sǽcula. Amen.
