Full Lyrics
Ick riep tot minen Heere
met mijnder stemmen claer,
en ick met allen seere,
heb ghebeden mijn Heer voorwaer,
ick mijn ghebet voer hem uut ghiet,
mijn druc, en minen zeere,
hem vertel ick soot is gheschiet.
Als minen gheest beladen
met druc was seer bevaen,
Ghi kende al mijn paden,
inden wech die ick moest gaen,
die opgheblasen mi eenen strick
om daer me te verraden,
stelden si seer heymelick.
Als ick begonst te merken,
en sach ter rechter sy,
oft mi mocht yemaant stercken,
niemant en was die kenden my.
Mijn vlucht was mi benomen heel,
mijn siel uut desen percken,
niemant sach ick soecken veel.
