Full Lyrics
Te Deum Patrem colimus,
Te Laudibus prosequimur,
qui corpus cibo reficis,
coelesti mentem gratia.
Te adoramus, O Jesu,
Te, Fili unigenite,
Te, qui non dedignatus es
subire claustra Virginis.
Actus in crucem, factus est (forte legendum est: factus es?)
irato Deo victima
per te, Salvator unice
vitae spes nobis rediit.
Tibi, aeterne Spiritus
cuius afflatu peperit
infantem Deum Maria,
aeternum benedicimus.
Triune Deus, hominum
salutis auctor optime,
immensum hoc mysterium
ovante lingua canimus.
