Full Lyrics
Nunc ad coronas pergite,
clamat suis Cæcilia:
mox ipsa virgo sistitur
ad iudicis prætorium.
Minantis iram despicit,
et falsa ridet numina;
iam morte digna ducitur
puella culpæ nescia.
Inclusa perstat balneo
ardent calore fornices
ast urit intus virginem
divinus ignis fortior.
Intaminatam barbarus
ter ense lictor percutit:
scelus tamen non perficit;
christus moras dat martyri.
Horæ supremæ proxima,
Deo sacrandas devovet
aedes avitas, libera
volatque ad Agni nuptias.
Te sponse, Iesu, virginum
beata laudent agmina;
Patrique cum paraclito
par sit per ævum gloria.
Amen.
