Full Lyrics
Herders wat een soet gheluyt
heb ick hier ghehoort in veld,
soeter dan een snaer oft fluyt,
die van ons is wel ghestelt?
Ick en hebbe noyt ghehoort,
noyt ghezien soo claeren schyn,
so van spel en soet accoort,
wel wat nieuws dan magh der sijn?
Swijght wat stil,
ick hoor een stem,
hoort wat dat hier wort verteld,
van een kint van Bethlehem,
schynt dat is een grooten helt.
Want sy singhen met jolijdt,
dat dit kint is Godt en mensch,
dat wy souden syn verblyt,
want het gaet naer onsen wensch.
