Full Lyrics
Ghi die condt Israel, o Heer, regieren,
Ioseph bestieren,
ghi die zijt gheseten
op Cherubin
en Seraphin,
hoort desen sin,
wilt thoonen Beniamin,
Heer, u manieren,
wilt Ephraim Manasse regulieren.
Verwect u crachten, coemt, Heer, wilt ons salveren,
in ons verseeren,
wilt ons bekeeren:
thoont u aenschijn,
wij sullen fijn,
behouwen zijn,
verlost van alle pijn,
o Heer der Heeren,
hoe langhe sult ghi op ons uw'n toorn vermeeren?
Met tranen sult ghi spisen, Heer, ons armen,
verhoort ons karmen,
ghi hebt ons ghestelt
al tot een schandt,
onsen vyandt,
reyct ons u handt,
bekeert ons: gheeft bistant,
wilt ontfermen,
u aensicht thoont: wilt ons beschermen.
