Full Lyrics
Gheeft dijn gherecht den Coninc schoon,
Heer dijn gherechtichheyt sinen soon.
Wanneer hi sal zijn een rechter vroet,
dat hi, o Heer, dijn armen
mach rechten al doer zijn oordeelen goet,
laet ons die berghen vrede soet
voort brenghen, met gherechtichheyt bescamen.
Den armen sal hi rechten hier,
en oock bewaren van dangier,
haer kinder: de spotters maect hy cleyn
en hi sal eeuwich bliven
met die Sonne ende maen ghemeyn:
en hi sal dalen opt aertsche pleyn
alst water opten akker plach te driven.
Gherechtichheyt, pays, ende vree,
in sinen daghen, coemt ons mee
totdat Mane haer schineen laet.
En hi sal dominerren van twesten,
al tot den dagheraet,
so verre als die zee, ende aertrijck gaet,
sal ons Heer zijn rijck administreren.
