Full Lyrics
1. Ghebenedijt
mijn siel altijt den Heer,
groot is zijn maiesteyt,
O God ghi zijt
ghecleet met groter eer,
u schoonheyt is verbreyt,
ghi zijt al met dat licht
ghecleet en soe ghesticht
dat ghi den hemelfijn
uutrect als een gordijn:
daer boven men water vijndt,
u waghens zijn
die wolcken, so schijnt
ghi wandert op den wijndt
2. U enghelen schoon,
gheesten seer excellent
maect ghi recht als een vier,
den aertrijck ghi maecte een fundament
het sal eeuwich bliven hier.
Die diepte hebt ghi bedect,
het water is ghestrect
dat op die berghen sadt,
want van uwen donder yst ontstelt,
sij gaen tot die stadt,
die berghen, en dat velt
die ghi daer hebt ghestelt.
