Full Lyrics
En willes niet beliden,
ter herten laeten gaen,
dat hen die bosen verbliden
end hier gheluck ontfaen:
want sij als hoy verdoven,
verdorren als eenich cruyt,
betrout den Heer hier boven,
in alle zijn goet
sult ghi hier zijn ghevoet.
Wilt u in God vermaken,
hy geeft u veel gaven soet,
daer nae u herte mach haken,
u wech hem open doet,
betrout ghi zijn goetheyden,
hy sal u verlaten niet,
u licht sal hy uut leyden,
u recht alsoe claer
als oft het middach waer.
Hem wilt ghehoorsaem wesen
en bidden tot alder tijt,
haer voerspoet laet mids desen
van u zijn onbenijt.
En wilt u niet ver storen
want al die boosheyt doen,
die bliven eeuwich verloren.
Maer die den Heere beyt,
yst aertrijck hier bereyt.
