Full Lyrics
Anonymous, 18th cent.
Dignare me, O Iesu! rogo te,
In cordis vulnere abscondere,
Permitte me hic vivere,
In tuo latere quiescere.
Si præparet dæmon insidias,
Et mundus offerat divitias,
In tuo corde tutus sum,
In tuo latere securus sum.
Fallacior si caro lubricis
Mentem exagitet blanditiis,
Nil metuo hic tutus sum,
Est meum latus hoc refugium.
Si oculos claudat fatalis sors,
Et vitam terminet feralis mors,
O Iesu! ne dimitte me,
Da tuo moriar in latere.
