Full Lyrics
Die onbevlect hier leven,
salich worden ghenaemt.
Die in Gods wet verheven,
hier gaen so dat betaemt,
salich tot allen stonden
die zijn ghetyughen zijn,
doer soecken en doergronden,
nae hem seer ghierich zijn.
Want al die boosneyt plegen,
met eenen valschen moet,
gaen niet int sheeren weghen,
heert u gheboden goet,
bevaelt ghi te bewaren
uut ganser herten seer,
u woerden, sonder sparen,
te vergheten nemmermeer.
Och oft men hier mocht leyden,
mijn weghen onperfect,
tot u gherechtichheyden,
te bewaren onbevlect,
dan waer mijn schand ont toghen,
als ick u gheboden al
mach sien met minen ooghen,
al hier in desen dal.
