Full Lyrics
Die Heer die wou regneren,
daerom moet worden bly,
het aertrijc vrucht vermeeren,
die eylanden melody,
wolcken en duysterheyden,
den bosen hi bereyden,
gherechtichheyt blijft hem bij.
Een vier sal zijn ontsteken,
voer hem (dit si bekant),
dat sal certeyn nock wreken,
verbermen zijn vyant,
sijn bliksem viel ter aerden,
die daer af vervaerden,
en vreesde zijn groote hant.
Men sach als wasch verdwinen,
die berghen groot en cleyn,
het aertrijc vol van pinen
al voer Gods aensicht reyn.
Sijn gherechtichheyt vertoghen,
die hemelen son der loghen,
sijn glory sach tvolck ghemeyn.
