Full Lyrics
1. Danct God den Heer met alle iolijt,
want zijn goetheyt sal niet vergaen,
wie can Gods macht ghebenedijt
ghenoech zijn lof hierdoen verstaen.
Salich si zijn tot alder tijt
die hier iusticy cleven aen,
Heer, wilt ons ghedencken,
ons u gonste schencken,
salich en fray,
opdat wij mogen scouwen uwe ghenay,
en vruechde mogen houwen vroech ende spay.
2. Met onsen vaders so hebben wij
ghesonicht hier ionge end oudt;
U wonder niet en verstonden sij:
noch u ghenade, menichfoudt.
Al by die zee, doer een party,
sij vielen God rebel en stoudt,
God wou haer salveren,
sinen naem ter eeren,
hij heeft verclaert
zijn wonderlijcke crachten onghespaert,
dat die in haer ghedachten bleven bewaert.
