Full Lyrics
1. Cor, arca legem cóntinens,
Non servitútis véteris,
Sed grátiæ, sed veniæ,
Sed et misericórdiæ.
2. Cor, sanctuárium novi
Intemerátum foéderis,
Templum vetústo sánctius,
Velúmque scisso utílius.
3. Te vulnerátum cáritas
Ictu paténti vóluit,
Amóris invisíbilis
Ut venerémur vúlnera.
4. Hoc sub amóris sýmbolo
Passus cruénta et mýstica,
Utrúmque sacrifícium
Christus Sacérdos óbtulit.
5. Quis non amántem rédamet?
Quis non redémptus díligat,
Et caritáte iúgiter
hærere Christo gestiat?
6. Iesu, tibi sit glória,
Qui Corde fundis grátiam,
Cum Patre et almo Spíritu
In sempitérna saécula. Amen.
