Full Lyrics
Aurora cælum purpurat,
Æther resultat laudibus,
Mundus triumphans iubilat,
Horrens avernus infremit.
Rex ille dum fortissimus
De mortis inferno specu
Patrum senatum liberum
Educit ad vitæ iubar.
Alleluia, alleluia, alleluisa,
In hoc festo sanctisimo
Sit laus et jubilatio.
Benedicamus Domino. Alleluia.
Cuius sepulcrum plurimo
Custode signabat lapis
Victor triumphat, et suo
Mortem sepulcro funerat.
Sat funeri, sat lacrimis,
Sat est datum doloribus:
Surrexit exstinctor necis,
Clamat coruscans Angelus.
Alleluia, alleluia, alleluisa,
In hoc festo sanctisimo
Sit laus et jubilatio.
Benedicamus Domino. Alleluia.
