Full Lyrics
Audi benigne conditor,
nostras preces cum fletibus,
in hoc sacro jejunio,
fusas quadragenario.
Scrutator alme cordium,
infirma tu scis virium,
ad te reversis exhibe
remissionis gratiam.
Multum quidem peccavimus,
sed pace confitentibus,
ad nominis laudem tui,
confer medelam languidis.
Concede nostrum conteri,
corpus per abstinentiam,
culpae ut relinquant parbulum,
jejuna corda criminum.
Praesta beata Trinitas,
concede simplex unitas,
ut fructuosa sint tuis,
jejuniorum munera.
Amen.
