Full Lyrics
Iesu quadragenáriae
dicátor abstinéntiae,
qui ob salútem méntium
præcéperas ieiúnium,
Tuo paradyso redderes
servata parsimonia
quos inde castrimargie
huc illecebris detulit
Adésto nunc Ecclésiae,
adésto pæniténtiae,
qua supplicámus cérnui,
peccáta nostra dílui.
Tu retroácta crímina
tua remítte grátia
et a futúris ádhibe
custódiam mitíssime,
Ut, expiáti ánnuis
compunctiónis áctibus,
tendámus ad paschália
digne colénda gáudia.
Presta pater per filium
presta per almum spiritum
cum his per euum triplici
unus deus cognomine.
