Full Lyrics
Filiis Core. Psalmus cantici. Fundamenta ejus in montibus sanctis;
diligit Dominus portas Sion super omnia tabernacula Jacob.
Gloriosa dicta sunt de te, civitas Dei!
Memor ero Rahab et Babylonis, scientium me;
ecce alienigenae, et Tyrus, et populus Aethiopum, hi fuerunt illic.
Numquid Sion dicet: Homo et homo natus est in ea, et ipse fundavit eam Altissimus?
Dominus narrabit in scripturis populorum et principum, horum qui fuerunt in ea.
Sicut laetantium omnium habitatio est in te.
