Full Lyrics
Refrain: Een kindeken is ons gheboren in Bethlehem.
Des hadde Herodes thoren, dat scheen aen hem.
Dry Coninghen uytvercoren quamen te Jerusalem.
Sy vraeghden waer hy was gheboren, den Coninck der Joden.
Wy saghen in Orienten die sterre sijn.
Wy comen om hem te aenbidden, dat soete kindekyn. (Refrain)
Doen Herodes alsoo vernam, dat het kint geboren was,
Soo werden hy toornich ende gram, ende ontsach hem das,
Dat hy soo verliesen soude, sijn rijc was groot.
Hy sochte te brengen met rouwe dat kindeken ter doot. (Refrain)
Hy vraeghde met haestichheden, waer dat kint geboren was.
Te Bethlehem binnen der stede, soo was dat men daer las.
Ter weerelt is daer gheboren die Heere groot,
Die ons nu compt alle verlossen van de eeuwighe doot.
