Full Lyrics
Donnez princes et seigneurs,
Donnez à Dieu toute gloire,
Presentez luy tous honneurs,
Cela vous soit en memoire.
Donnez luy toute puissance,
Sauluez sommes en son nom:
Adorezle en confiance,
Comme requier son renom.
3 Car par son commandement
Conduit les eaux, et tonnerre:
Par sa voix soubdainement,
La mer arrouse la terre.
4 La voix du Seigneur est pleine
De grand liberelité:
Sa puissance est fort haultaine,
Remplye de dignité.
5 Il a de sa voix
Cedres, par façon diuerse:
Du Liban les sapins droicts
Prendront (s'il veult) la reuerse.
6 Par sa voix tout ainsi, comme
Par le cry d'un gros taureau,
Le mont du liban, en somme.
Versera en un monceau.
7 Et si par affection
Son vouloir aultre part tourne,
Saulter fera Saryon,
Comme la fan de Licorne.
8 Sa voix est plus vehemente,
Qu'un glaiue trenchant, et craincte:
Elle appaise la tourmente,
Et du feu la flamme estainct.
9 La voix de Dieu fait trembler
Lieux qui sont inhabitables,
Et de Kades fait troubler
Les deserts espouuentables.
10 Sa voix (comme chose estrange)
Rompt aux cerfz courses et saults:
Toute chose à sa louenge
Obeyst, par monts, et vaultx.
11 Les deluges fait cesser,
Garde royaumes, prouinces,
Les deffend sans les laiser,
Comme Roy des Roys et princes.
12 Il donne à son peuple force,
Heureux le rend par sa voix:
Il le fait bon, et s'efforce,
De l'entretenir en pair.
