Full Lyrics
Chantés à Dieu chanson nouvelle,
Faittes donc sa louange belle
En l'Eglise des bons ouir.
Israël sans cesse
Prenne sa liesse
Au Dieu qui l'a fait.
Sus Syon qu'on voye
Tes fils mener ioye
En leur Roy parfait.
2. Loues tous son nom, sa hautesse,
Au son de fluste et de tabour,
Et sur la Harpe chanteresse
Chantés luy Psalmes chascun iour.
Car l'Eternel ayme
La gent qui le clame
Son Roy, son appuy,
Voire et glorifie,
L'humble qui se fie,
Et s'attend à luy.
3. Certes en gloire souveraine
Les vertueux s'esgayeront,
Et de voix ioyeuse et seraine
Sur leurs chouchettes chanteront.
De Dieu les merveilles
Grandes, nompareilles
Diront en leurs chants:
Et auront les iustes
En leurs mains robustes
Glaives à deux trenchants:
4 Pour faire ve´ngance mortelle
De la perverse nation,
Et de la gent faulse et rebelle,
Merveilleuse punition.
Puis les Roys, et Princes,
De leurs grands provinces,
Captifs enserrer,
Et leur gentillesse
En dure desresse,
De ceps enserrer.
5 Afin que selon l'escripture,
Facent d'eux iuste iugement.
Voila la gloire par droicture
Reserves aux bons seulement.
