Full Lyrics
C'Est à toy seul à qui dois recourir,
Vien donc Seigneur, làs vien moy secourir,
Plus ie ne puís resister à la force
De l'ennemy, qui contre moy e'efforce,
Et me poursuit, pour me faire mourir.
2 Car tout ainsi que le Loup affamé
Sort du grnad boys de desir enflammé,
De trouver proye en quelque lieu champestre:
L'homme maling ainsi se veut repaistre,
De mon clair sang, tant il est animé.
3 Il m'a liuré maint assault furieux,
Dont mon corps est nauré en tant de lieux,
Que place n'ay sur mes membres entiere.
N'ayie donq' pas de me plaindre matiere?
Et d'estre en cueur bien triste et soucieux?
4 Tratté ie suis si rigoureusement,
Que ie ne quiers pour tout contentement,
Que mort me iette hors de ceste souffrance:
Ou ta bonté me donne deliurance,
De ce grief mal, et horrible torment.
5 Iusques à quand ce traistre braue et fier,
Voirray Seigneur en ses nerfs se fier?
Et s'esouir de ma force abolie?
Reuenge moy. Monstre luy quell' folie?
A l'homme c'est de se glorifier.
6 Làs si un cueur desolé a pouuir
DE ta bonté à pitié esmouuoir:
Et si l'homme humble en sa iuste priere
Tu n'as iamais rebouté en arriere,
Vueille de moy compassion auoir.
7 Octroye moy un invincible cueur,
Qui fort me rende et puissant bellinqueur,
Si matteray par main victorieuse,
De l'ennemy la force furieuse,
Et tost seray par dessus luy vainqueur.
8 Car ta vertu de mon costé sera,
Qui mon pouuoir rousiours renforcera,
Dont l'ennemy perdra force et courage,
Tout estonné: et la fureur, et rage,
Dont il fut plein, tout à coup cesseraa.
9 Vaincu sera, se rendant à mercy:
Puis cognoistra, s'il contemple cecy,
Que la Cité, que ta bontén e garde,
Et dont tu n'es rempart, et sauuegarde,
N'est en seurté, ne bien gardée ausi.
