Full Lyrics
Beatus vir qui suffert tentationem.
Quoniam cum probatus fuerit accipiet coronam vitæ.
Pro fide pugnavit, hostémque prostravit
fortissimus dux,
depulsit ad umbras inferni profundas
clarissima lux.
Non cœli cultorem, stygisque ultorem,
tentatum, probatum, constantem pugnantem,
invictum, relictum,
perterruit mors, nec aspera sors.
Effuso cruore pro Dei amore
succumbit in solo, ut regnet in polo.
Aligerum chori venite volate
nitentes victori coronas parate.
Ô Sancte N.
Nunc cum angelis lætaris,
nunc exultans gloriaris in cœlesti patria
fac nos fortes hic pugnare,
lætos tecum triumphare, duc ad cœli atria.
