Full Lyrics
I syng of a mayden
That is makèles,
Kyng of allè kynges
To here sone che ches.
He cam al so styllè
Ther his moder was,
As dew in Aprylle
That fallyt on the gras.
He cam al so styllè
To his moderes bowr
As dew in Aprylle
That fallyt on the flour.
He cam al so styllè
Ther his moder lay
As dew in Aprylle
That fallyt on the spray.
Moder and maydyn
Was never non but che;
Wel may swych a lady
Godès moder be.
