Full Lyrics
VERSE 1
Veni, Creator Spiritus,
Mentes tuorum visita:
Imple superna gratia
Quae tu creasti pectora.
VERSE 2
Qui Paraclitus diceris
Donum Dei altissimi
Fons vivus, ignis, caritas,
Et spiritalis unctio.
VERSE 3
Tu septiformis munere,
Dextrae Dei tu digitus
Tu rite promissum Patris,
Sermone ditans guttura.
VERSE 4
Accende lumen sensibus,
Infunde amorem cordibus,
Infirma nostri corporis
Virtute firmans perpeti.
VERSE 5
Hostem repellas longius,
Pacemque dones protinus:
Ductore sic te praevio,
Vitemus omne noxium.
VERSE 6
Per te sciamus da Patrem,
Noscamus atque Filium,
Te utriusque Spiritum
Credamus omni tempore.
VERSE 7
Gloria Patri Domino,
Natoque, qui a mortuis
Surrexit, ac Paraclito
In saeculorum saecula.
Amen.
