Full Lyrics
[Pange Lingua]
Verse 1
Pange lingua gloriosi
Corporis mysterium,
Sanguinisque pretiosi,
Quem in mundi pretium
Fructus ventris generosi
Rex effudit gentium.
Verse 2
Nobis datus, nobis natus
Ex intacta Virgine,
Et in mundo conversatus,
Sparse verbi semine,
Sui moras incolatus
Miro clausit ordine.
Verse 3
In supremae nocte coenae,
Recumbens cum fratribus,
Observata lege plene
Cibis in Legalibus,
Cibum turbae duodenae
Se dat suis manibus.
Verse 4
Verbum caro, panem verum
Verbo carnem efficit:
Fitque sanguis Christi merum,
Et si sensum deficit,
Ad firmandum cor sincerum
Sola fides sufficit.
[Tantum Ergo]
Verse 1
Tantum ergo sacramentum, veneremur cernui:
Et antiquum documentum,
Novo cedat ritui: Praestat fides
Supplementum sensuum defectui.
Verse 2
Genitori Genitoque, laus et jubilatio,
Salus honor, virtus quoque,
Sit et benedictio: Procedenti
ab utroque compar sit laudatio.
Amen.
[Adoremus]
Adoremus in aeternum
Sanctissimum sacramentum.
[Psalm]
Laudate Dominum omnes gentes
Laudate eum omnes populiQuoniam
confirmata est super nos misericordia
ejus: et veritas Domini manet in aeternum.
