Full Lyrics
PANGE LINGUA VERSE 1
Pange lingua gloriosi Corporis mysterium,
Sanguinisque pretiosi, Quem in mundi pretium
Fructus ventris generosi Rex effudit gentium.
PANGE LINGUA VERSE 2
Nobis datus, nobis natus Ex intacta Virgine,
Et in mundo conversatus, Sparso verbi semine,
Sui moras incolatus Miro clausit ordine.
PANGE LINGUA VERSE 3
In supremae nocte coenae, Recumbens cum fratribus,
Observata lege plene Cibis in legalibus,
Cibum turbae duodenae Se dat suis manibus.
PANGE LINGUA VERSE 4
Verbum caro, panem verum Verbo carnem efficit,
Fitque sanguis Christi merum, Et si sensus deficit,
Ad firmandum cor sincerum Sola fides sufficit.
PANGE LINGUA VERSE 5
Tantum ergo Sacramentum Veneremur cernui:
Et antiquum documentum Novo cedat ritui:
Praestet fides supplementum Sensuum defectui.
PANGE LINGUA VERSE 6
Genitori, Genitoque laus et jubilatio,
Salus, honor, virtus quoque Sit et benedictio:
Procedenti ab utroque Compar sit laudatio. Amen.
TANTUM ERGO VERSE 1
Tantum ergo Sacramentum Veneremur cernui:
Et antiquum documentum Novo cedat ritui:
Praestet fides supplementum Sensuum defectui.
TANTUM ERGO VERSE 2
Genitori, Genitoque Laus et jubilatio,
Salus, honor, virtus quoque Sit et benedictio:
Procedenti ab utroque Compar sit laudatio. Amen.
O SALUTARIS I VERSE 1
O Salutaris Hostia,
Quae caeli pandis ostium,
Bella premunt hostilia,
Da robur, fer auxilium.
O SALUTARIS I VERSE 2
Uni trinoque Domino
Sit sempiterna gloria,
Qui vitam sine termino
Nobis donet in patria. Amen.
O SALUTARIS II VERSE 1
O Salutaris Hostia, Quae caeli pandis ostium,
Bella premunt hostilia, Da robur, fer auxilium.
O SALUTARIS II VERSE 2
Uni trinoque Domino Sit sempiterna gloria,
Qui vitam sine termino Nobis donet in patria. Amen.
