Amuru Emmanuel by Kizito Odume — Lyrics

[Intro: Baritone Solo] N̄ụrịa nụ ọṅụ kwebe n'ukwe gbaba n'egwu Maka na ihe ukwu emeela Maka na ngịngịe jiela Amụrụ eze ụwa niile Amụrụ nwa ka nwa Amụrụ Emmanuel Chukwunọnyereanyị [Acappella] Ụmụnne m n̄ụrịanụ ọṅụ gbaba n'egwu Kwenụ ukwe n'ihi na amụrụ nwa ka nwa N̄ụrịanụ ọṅụ nweba an̄ụrị Kwenụ ukwe n'ihi na amụrụ Emmanuel Butenụ egwu ọṅụ egwu dị mma Kwebenụ bute egwu ọṅụ egwu dị mma biko kwebe Kwe naada ụda kwesie ya ike Kwebe kwebe kwebe kwebe kwebe kwebe Kwebenụ ukwe dị mma k'anyị jee n'ụlọ anụ Ebe amụrụ ya ngwanụ k'anyị jee Jebe na Bethlehem ngwanụ k'anyị jeebe Jebe n'ụlọ anụ ebe amụrụ Jesu Jesu nwa ka nwa ngwanụ Jesu nwa ka nwa eze ụwa dum Eze ị bịaruola eze ụwa nnọọ Nwa ka nwa odogwu akataka doo oh nnọọ Ụwa dum eze ị bịaruola mehee obi gị nabata Nwa ọhụrụ e nyere anyị Jesu anyị naasị gị [Soprano or Tenor Solo] Oh Jesu nnọọ ị bịala Jesu nnọọ ị bịala Jesu nwa Chukwu nnọọ n'ụwa O tego aka ndị amụma jiri ziwe anyị ozi Na a gaamụrụ anyị otu nwa onye nzọpụta Ọchịchị gaabụ nke ya ọ gaachị eze N'igwe n'ụwa chịruo n'ala mmụọ Ọ gaachị oh eze nnọọ ị bịala Ọ bụ ihe omimi na Chukwu nwasi n'igwe wee bụrụ mmadụ [Refrain] Ị hụla ihe omimi na Chukwu bụrụ mmadụ Ị hụla ihe omimi na Chukwu bụrụ mmadụ Ya na Chukwu bụrụ mmadụ nkịtị Mmadụ mejoro Chukwu Chukwu achọba etu ọ gaesi wee mezie agbata dị na mmadụ na Chukwu Ị hụla nwa ọhụrụ na ọ bụ n'ime ụlọ Eze ụwa dum yiri eze ụwa dum Ha gaenye eze amụrụ Ị hụla ihe omimi na Chukwu bụrụ mmadụ Ị hụla ihe omimi na Chukwu bụrụ mmadụ ngwanụ Nwebanụ an̄ụrị ah soro m kwebe n'ukwe ah Ndị mmụọ ozi naegoli ngwanụ Soro ndị mmụọ ozi naekwe [Chorus] Otito dịrị Chineke Otito dịrị Chineke n'elu kacha elu n'ụwa Udo dịrị ndị nwere obi ọma Otito dịrị Chineke n'elu kacha elu n'ụwa Udo dịrị ndị nwere obi ọma [Acappella] Kristi abịago Kristi abịago Kristi abịago Kristi abịago Kristi abịago Kristi abịago [Tenor Solo] Ngwanụ rịba n'ọn̄ụ kwebenụ Ukwe gbaba n'egwu n'ihi na amụrụ Emmanuel Chukwunọnyereanyị