Full Lyrics
REFRAIN
Chukwu Nna, Nna,
Anyị abịa l'inye gị ekele,
Chukwu Nna, Nna,
Nara onyinye anyị n'obi ọcha.
Tucha mmehie niile anyị mere,
Nara ya biko Chineke ma gozie ya n'obi ebere.
VERSE 1
Ezi Chineke nara onyinye ụmụ gị n'enye gị, Nna o,
Abel nwa odibo gị, na aja nke ukochukwu gị Melkisedek.
VERSE 2
Cheta na mmiri ozuzo bụ onyinye Chineke nyer' anyị n'efu,
Ọnwa na anyanwụ, ha ncha bụ ọrụ aka Chukwu,
Ikuku n'enye anyị ndụ bụ onyinye Chukwu, gịnị gaegbochi
Gị inye ya ekele dị mma.
VERSE 3
Oge erugo ụmụ Chineke, ngwanụ kunitenụ k'anyị ga nye ya ekele.
Maka ihe ọma dị iche Chineke meere anyị, ngwanụ kunitenụ k'anyị ga nye ya ekele.
Lee onwe gị anya ka ị hụ ọrụ ebube Chineke, ngwanụ kulitenụ nye ya ekele.
Mgbe ị nọ n'ọrịa ọ bụ ya zọrọ gị, nye gị ahụ ike, ngwanụ kunitenụ k'anyị ga nye ya ekele.
Mgbe ị n'aga njem ọ bụ ya n'edu gị, ngwanụ kulitenụ nye ya ekele.
Oge erugo ụmụ Chineke, ngwanụ kulitenụ nye ya ekele.
