Full Lyrics
VERSE 1
Leenu Nwaturu Chukwu
Achịcha ndụ ma nke si n'igwe gbadata n'ụwa
Ọ bụ nri ọma
Kristi nyer'anyị na Eucharistia dị asọ
S'anyị rie k'anyị wee nwee ndụ ebebe
K'anyị jee nụ nara ya n'ihi na ọ bụ nri ọma
Anyị nwere isi ọma bụ ndị n'eri ya
VERSE 2
Etosighịm k'ị bata nwe nụ n'im'obi m o
Chukwu Nna Dinwenu na Chukwu m o bata n'im'obi m o
Chineke m o etosighịm k'ị bata n'im'obi m o
Maka njọ m o etosighịm k'ị bata n'im'obi m o
Dinwenu kwuo nụ sọ okwu n'obi m gaadịrị rị
Dinwenu kwuo nụ sọ okwu n'obi m gaadịrị rị
VERSE 3
Chukwu Nwa si n'igwe gbadata n'ụwa
We r'onwe ya mee r'anyị achịcha nke ndụ
Ọ tara ahụhụ nwụọ ọnwụ mak'anyị
We r'ọbara ya dị oke ọnụ gbapụt'anyị na njọ
Kristi n'akpọ anyị ụmụnne ya
Ndị enyi ya ndị ọ hụrụ n'anya
S'anyị bịa nara ya
REFRAIN
N'ezie Jeeso m o ị bụ nri ọma, nri ọma m o
N'ezie Ahụ n'Ọbara Kristi bụ nri ọma n'enye ndụ
N'ezie Jeeso bụ nri ọma
N'ezie Jeeso bụ achịcha nri ndị Mmụọzi
Bịa nara ahụ ya rie
Bịa nara Ọbara ya ṅụọ
Ọ bụ ezi ih'oriri n'ezie
Ọ bụ ezi ih'ọṅụṅụ nri ọma n'enye ndụ
