Full Lyrics
Hispanum ad coenam mercator Belga vocarat
regifico luxu mensa parata fuit,
extera convivis non deerant vina vocatis,
aureaque artifici pocula sculpta manu.
Hispanus miratur opes, miratur et artes
miratur lautae fercula multa dapis.
Ingenia et artes unde his regionibus inquit,
semper ubi stertunt ebria turba viri?
Mox importuno civilior hospes Ibero
respondit placido talia verba sono:
Nos bibimus vestris quae vina vehuntur ab oris,
vos bibitis gelidas dum sitis ardet aquas,
ingenia haud mirum quod vobis acria desint,
quod bibitis bibit hoc vester asellus idem.
