Full Lyrics
Hilff uns du trewer Gott
in unser grossen not
und wann wir zu dir schreyen
laß uns dein gnad erfrewen
hilff Gott in unser klagen
laß uns auch nit verzagen
hilff uns von allem sünden
laß uns den tod nicht emtpfinden
Sonder durch dein genad
wie du versprochen hast
durch Cristum uberwinden.
Du trewer Gott mach uns bekandt
den rechten weg
Christus genandt
du wölst uns auch verfechten
vor dem geschörpften Mosis stab
weis sein Register von uns ab
laß uns des Mosis Gsetz noch stab
gar keines wegs entpfinden/annfechten
Sondern durch dein genad
wie du versprochen hast
durch Christum uber winden.
