Full Lyrics
(Text by Erasmus of Rotterdam)
In Ioannem Okegi. Musicorum principem, Naenia.
Ergone conticuit
Vox illa quondam nobilis,
Aurea vox Okegi ?
Sic musicae extinctum decus ?
Dic age, dic fidibus tristes, Appollo, naenias.
Tu quoque, Calliope
pullata cum sororibus,
funde pias lachrymas,
lugete, quotquot
musicae dulce rapit studium
virumque ferte laudibus.
Artis Appollineae sacer
ille foenix occidit.
Quid facis, invida mors?
Obmutuit vox aurea Okegi
per sacra tecta sonans.
Demulsit aures caelitum
terrigenumque simul
penitusque movit pectora.
Quid facis, invida mors?
Sat erat tibi promiscue
tollere res hominum;
Divina res est musica;
numina cur violas?
