Full Lyrics
Egressus Iesus de finibus Tyri et Sidonis, venit ad mare Galileae per medios fines Decapolis.
Et adducunt ei surdum impeditaeque linguae, et deprecabantur eum, ut imponat illi manum.
Et cum apprehendisset eum de turba seorsim, misit digitos suos in auriculas ejus: et sputo emisso tetigit linguam ejus,
ac suspiciens in coelum, ingemuit, et ait illi: Ephetha, quod est aperire.
Et statim apertae sunt aures ejus, et vinculum linguae ejus solutum est; et loquebatur recte.
Ac praecipit eis ne cui dicerent; sed quo magis ille eis praeceperat, hoc potius amplius praedicabant.
Et supra modum stupebant, dicentes: surdos fecit audire, et mutos loqui.
