Full Lyrics
Dulcissime frater, respice mentali oculo,
quante remunerationis debito patienti domino astringaris
recole sudorem sanguineum, triginta argenteos,
fixionis osculum, alaparum contumeliam,
flagellorum instanciam, spineam coronam,
crucis anguriam (iniuriam?), suspendium patibuli,
caput inclinatum, oculos languentes,
ulnas extensas, manus perforatas,
latus lanceatum, pedes confossos,
escam fellicam (?), aceti pocula spongie,
obsequium sputorum, ludibria ictus arundinis,
vocem lamentabilem, altrinsecos latrones,
titulum famosum, sortem vestimenti,
quid plura!
vilissimum mortis supplicium et probra nefandissima.
Tibi Christe laus et gloria.
