Full Lyrics
O decus innocentie,
flos virginitatis,
mater regis glorie,
templum trinitatis,
regina clementie regnans cum beatis,
purga lux letitie,
reos a peccatis.
O mater egregia,
tutrix orphanorum,
portus spes fiducia facta peccatorum,
tua nobis gaudia
in regno celorum grata
dent solatia regis angelorum.
Ave regina celorum,
mater regis angelorum,
o Maria, flos virginum
velut rosa vel lilium.
Funde preces ad filium
pro salute fidelium,
o Maria flos virginum
velut rosa vel lilium.
