Full Lyrics
Adspice, Domine de sede sancta tua et cogita de nobis:
Inclina, Deus meus, aurem tuam et audi :
Aperi oculos tuos et vide tribulationem nostram.
Qui regis Israel, intende,
qui deducis velut ovem Joseph,
qui sedes super Cherubim, intende.
Gloria Patri…
O lux beata trinitas
et principalis unitas,
iam sol recedit igneus
infunde lumen cordibus.
Te mane laudem carmine,
te deprecemur vespere,
te nostra duplex gloria
per cuncta laudet saecula.
