Full Lyrics
Kuntschafft mit dir het geren
ich thet es nur dir gefallen
Trew lieb und dienst ich dich versprich
laß dir das nit mißfallen
mein hertz sagt mir als guts von dir
heimlich zu allen seyten
wolt geren seyn bey dir allein
möcht ich der zeyt erpeyten.
Darumb mein hort dich zu mir kher
du bist mein schatz auff erden.
Den wil ich sein merck mein beger
thû mir zu willen werden
ein kleine zeit
mir freuden geit
so du mich thust geweren
mein hoffnung ich
setz gantz in dich
mein lieb mit dir zu mehren.
Ach las schöns lieb gefallen dir
mein dienst mit rechten trewen.
Erzeyg dich freuntlich gegen mir
und thu mein hertz erfreuen
ein kleine weil
kumm her unnd eyl
thu mir dein lieb beweysen
so will ich dich
glaub sicherlich
mein lebenlang drumb preyßen.
