Full Lyrics
1. Jesu, Redémptor ómnium,
Quem lucis ante originem,
Parem patérnæ glóriæ
Pater suprémus édidit.
2. Tu lumen, et splendor Patris,
Tu spes perénnis ómnium,
Inténde quas fundunt preces
Tui per orbem sérvuli.
3. Meménto, rerum Cónditor,
Nostri quod olim córporis,
Sacráta ab alvo Vírginis
Nascéndo, formam súmpseris.
4. Testátur hoc praesens dies,
Currens per anni circulum,
Quod solus e sinu Patris
Mundi salus advéneris.
5. Hunc astra, tellus, aéqoura,
Hunc omne quo caelo subest,
Salútis auctórem novae
Novo salútat cántico.
6. Et nos, beáta quos sacri
Rigávit unda sánguinis,
Natális ob diem tui,
Hymni tribútum sólvimus.
7. Jesu, tibi sit glória
Qui natus es de Vírgine,
Cum Patre et almo Spíritu,
In sempitérna saécula.
Amen.
