Full Lyrics
Psalmus in confessione.
Jubilate Deo, omnis terra;
servite Domino in laetitia. Introite in conspectu ejus in exsultatione.
Scitote quoniam Dominus ipse est Deus; ipse fecit nos, et non ipsi nos:
populus ejus, et oves pascuae ejus.
Introite portas ejus in confessione; atria ejus in hymnis:
confitemini illi. Laudate nomen ejus,
quoniam suavis est Dominus: in aeternum misericordia ejus,
et usque in generationem et generationem veritas ejus.
