Full Lyrics
In tribulatione mea invocabo Dominum
et ad Deum meum clamabo et exaudiet de templo sancto suo vocem meam
et clamor meus veniet ad aures eius.
Spiritus tuus bonus deducet me in terram rectam
propter nomen tuum Domine vivificabis me in aequitate tua.
Educes de tribulatione animam meam
et in misericordia tua disperdes omnes inimicos meos.
Clamabimus ad te in tribulationibus nostris et exaudies nos,
salvosque facies cum ignoramus quid agere debeamus,
hoc solum habemus residui ut oculos nostros dirigamus ad te.
