Full Lyrics
Salve puerule, salve tenellule,
o nate parvule quam bonus es.
Tu coelum deseris, tu mundo nasceris,
nobis te'ut miseris assimiles.
O summa bonitas! Excelsa deitas
Vilis humanitas fit hodie.
Aeternus nascitur, immensus capitur
et rei tegitur sub specie.
Virgo puerpera, beata viscera
Dei cum opera dent filium.
Gaude, flos virginum, gaude, spes hominum,
fons lavans criminum proluvium.
