Full Lyrics
1. In maiestatis solio
Tres sedent in triclinio
Nam non est consolatio
Perfecta solitario.
2. Aeternae mentis oculo
Dum pater in se flectitur
In lucis suae speculo
Imago par exprimitur.
3. Imaginis consortium
Nativus præbet exitus
Consorsque spirant gaudium
Ingenitus et genitus.
4. Hoc gaudium est Spiritus
Quo patri natus iungitur
Et unum bonum funditus
In tribus his concluditur.
5. In tribus est simplicitas
Quos non distinguit qualitas
Nec obstat tribus unitas
Quam ampliat immensitas.
Amen.
