In honore summae matris by Richard Davy — Lyrics

Richard Davy Latin Sacred Votive antiphons Staff notation

Full Lyrics

In honóre súmmae mátris Pariéntis vérbum pátris Jubilémus Dómino, Qui omísso cárnis júre Ex véntre vírginis púrae Ut spónsus e thálamo Pocéssit, sémper serváta, Immo mágis ampliáta, Mátris integritáte. Rúbus árdens non úritur, Véllus róre perfúnditur Caelésti pietáte; Et quae vírum non pátitur Máter Déi effícitur Non laésa castitáte. Vítrum sóle fit inlaésum, Vírgo párit Chrístum Jésum Caelésti pietáte. In hoc pártu non turbétur Mens humána sed laetétur Vírginem concípere Et si cóntra cárnis júra Vírginis est genitúra, Id támen perfícere Déus pótest ex virtúte Potestátis infinítae, Cúi níhil impossíbile. Quis tam caécus ut non crédat Quod vírgo Déum páriat? Módo hoc Déus vóluit. Vídeat nascéndi fórmas Distínctas válde dúas míras Ut scíat quis génuit. Num qui fínxit ex púlvere Hóminem et límo térrae Absque úllo sémine Et qui ex Adae látere Pótuit Evam edúcere Númquid pári virtúte Ipse ex mátre vírgine Pótuit cárnem súmere Pro nóstra salúte? Hoc fátere hoc créde fírmiter: Chrístus sic hómines diléxit sincériter, Quod vóluit ex vírgine Násci benígniter, Ut súa nos grátia Récreet suáviter. Quáre fíli vírginis, qui nos redemísti, Succúre nóbis míseris própter quos venísti, Et tu Déi génitrix quae Déum genuísti, Quae sóla ínter vírgines máter exstitísti, Impetráto fámulis ut sint Jésu Chrísti Cohéredes post egréssum ab hoc múndo trísti. Amen.

Download the sheet music

In honore summae matris

In honore summae matris

By Richard Davy
Staff
Latin
1 page
0 Downloads
Sacred Votive antiphons
0 0

More lyrics you may want