Full Lyrics
Middle French
1. Il me prend fantasie
de vous dire
comment suis souvent
de ma mye traicté heureusement
car il ne fault pour rien
céder ung si grand bien
2. Mais premier vous veulx dire
que sa grande beaulté
nul nest qui ne desire
user de privauté
et avoir de ses yeulx
ung regard gratieux
3. Nature'a faict en elle
ce qu'à peu daultre'a faict
layant faicte si belle
qui nest rien si perfaict
celuy iestime'heureux
qui est son amoureux
4. Elle me faict la grace
de mappeler ainsy
toutesfois que lambrasse
dont suis heureux,
aussy ie suis seur
que nul bien nest point pareil au myen
5. Souvent à sa fenestre
ie la voy niz à niz
alors ne vouldrois estre
monté au paradis
car au lieu où ell'est
mon paradis y est
6. Ie la tiens pour ma dame
et la sers loyalment
de cueur de corps et dame
sans faillir nullement
aussi son amytié
a eu de moy pitié
7. Il ne fault pas qu'on pense
que ie ne suis content
car telle recompense
surmonte le rourment
tant qu'au monde seray
iamais ne loubliray
