Full Lyrics
Il estoit une fillette
qui vouloit scavoir le jeu d'amours,
Ung jour qu'elle estoit seullette
je luy en aprins deux ou trois tours,
Apres avoir senty le goust
elle me dit en soubzriant
"Le premier coup me semble lour
mais la fin me semble friant"
Je luy dis "vous me tentez",
elle me dit "recommencez"
Je l'empoingne, je l'embrasse,
Je la fringue fort.
Elle crie "ne cessez",
je luy dis "vous me gastez
Laissez moy, petite garse,
Vous avez grant tort."
Mais quant ce vint a sentir le doulx point
Vous l'eussiez veu mouvoir si doulcement
Que son las cueur luy tremble fort et poingt
Mais, Dieu mercy, c'estoit ung doulx tourment.
