Full Lyrics
Ich ward veracht gar also groß
denn ich nit vil hab vertrawt
Ir untrew ist gantz mein genoß
wo ich nit het auff geschawt
und het verhengt jr groß unend
so wer ich verblend worden
das selb doch nit geschehen ist
freud mich an disen orten
Kein trew auff erd nit mehr wil sein
das ist yetzundt vor augen.
Sûes und falsch ist worden schein
darumb mûß ich auff schawen
wo ich hin kumm
ist all welt frumm
darben laß ichs beleyden
gedanck sind frey
merk wol darbey
das ichs nit kan vertreyben.
Wie wol ich mich erbieten thu
mil mir gar klein entspreissen.
Byn ich geboren zu unrû
so muß ichs leyder bûssen
des ich gentzlich
mich nit versich
und hoff es werd sich enden
ists ietz an mir
morgen an dir
den unfal magst nit wenden.
